Akt brutal ndaj Shqipërisë, PS nis procedurën për shkarkimin e Ilir Metës

425
0

Sot “Kryesia e Partisë Socialiste ka diskutuar mbi aktin brutal të Ilir Metës ndaj Republikës së Shqipërisë”.

Kështu tha në përfundim të  mbledhjes së sotme të Kryesisë së PS, ministrja e Shtetit për Marrëdhëniet me Parlamentin, Elisa Spiropali.

Ajo tha se në seancën e së enjtes do të ketë një debat të gjatë duke shtjelluar të gjithë argumentet se si Ilir Meta ka sulmuar Republikën e Shqipërisë dhe ka shpikur një institucion që sipas saj nuk ekziston askund, të quajtur “ç’dekretim”.

Spiropali tha se debati do të mbledhë të gjithë argumentet, ndërsa më tej do i kalojnë Kolegjit Zgjedhor që ta shqyrtojë nga pikëpamja juridike.

“Ilir Meta e ka humbur të drejtën për të qëndruar në atë pozicion dhe parlamenti do të nisë procedurën e shkarkimit si President. Do të nisë nga seanca e radhës parlamentare, detyra jonë për të mbrojtur Kushtetutën dhe rendin kushtetues”, u shpreh Spiropali.

Në vijim shtoi se do i takojë Gjykatës Kushtetuese në fund që të vendosë, por nënvizoi se kjo gjë nuk pengon për të nisur procedurën e shkarkimit të Presidentit.

Në mbyllje Spiropali deklaroi se zgjedhjet do të mbahen në 30 qershor.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.