Një ngjarje e rëndë ka ndodhur në Franscineto të Italisë, ku një 54-vjeçari Edison Malaj me origjinë nga Shqipëria, ka humbur jetën pasditen e 16 Shkurtit gjatë orarit të punës.
Sipas mediave italiane, viktimës i ka rënë sipër një pllakë betoni.
Pllaka që po transportohej nga vinçi u shkëput dhe e goditi punëtorin shqiptar në kokë.
Pavarësisht transportit në spital dhe ndërhyrjes së mjekëve, shqiptari nuk ka mundur të mbijetojë nga plagët e marra.
Policia ka nisur një hetim për zbardhjen e rrethanave të plota të rastit.
