Mjeku i njohur Ilir Alimehmeti, anëtar i Akademisë së Shkencave, foli në A2 mbi procesin e vaksinimit në Shqipëri.
A duhet ta bëjmë vaksinën kineze? Alimehmeti u shpreh se grupshosha nga 18-59 duhet ta bëjë këtë vaksinë, pasi ka informacione dhe janë kryer testimet.
“Dimë që është testuar faza e parë dhe e dytë klinike, ku ka treguar një efikasitet në moshën 18-59 vjeç. Më pas kemi studime të fazës së tretë, të cilat janë kryer në vende të ndryshme të botës për faktin që Kina nuk kishte raste. Është e natyrshme që testimet të kryhen në vende të tjera. Për grupmoshën 18-59 vjeç kemi informacion. Kjo grupmoshë ndoshta duhet ta bëjë vaksinën, në mungesë edhe të diçkaje më të mirë”, u shpreh Alimehmeti.
