Në diten e diele te fundit të muajit tetor, saktësisht me datë 25 tetor do të bëhet ndërrimi i orës.
Akrepat e orës do të kthehen 60 minuta mbrapa, ku edhe vendoset si ora dimërore.
Në mars të vitit 2019 Parlamenti Evropian ka përkrahur propozimin që të ndalohet ndërrimi i obligueshëm i orës në vendet e BE’së.
Me këtë vendim zgjaten ditët gjatë verës.
Propozimi parasheh që nga viti 2021 shtetet të vendosin – ose të mbajnë kohën aktuale verore ose të largojnë ndërrimin e orës që ndodh dy herë gjatë vitit.
Nën urdhrat aktualë të BE’së, të gjitha 28 vendet anëtare kalojnë në orën verore të dielën e fundit të muajit mars dhe kthehen në orën dimërore të dielën e fundit të tetorit.
E pikërisht me 25 tetor të këtij viti në mëngjesin e së dielës, akrepat do të kthehen 60 minuta prapa.
Ndryshimi do të fillojë në orën 3, e cila do të shënojë ora 2.
Ndryshimi i orës në Europë u vendos si ligj europian në vitin 1981 dhe është rinovuar çdo katër vjet.
Ky ndryshimi i orës bëhet dy herë në vit, në javën e fundit të tetorit dhe në të dielën e fundit të marsit me qëllim shfrytëzimin sa më mirë të energjisë diellore.
