Whatsapp njoftoi se po shfaqte një veçori draft mesazhesh për iOS që do të jetë e disponueshme për përdorim gjatë javëve të ardhshme. Funksioni i ri është krijuar për të ndihmuar përdoruesit të ruajnë mesazhet që kanë nisur të shkruajnë, por nuk i kanë dërguar, gjë që e bën më të lehtë rishikimin dhe plotësimin e tyre më vonë. Përdoruesit, më në fund, mund të kursejnë kohë duke kërkuar përmes bisedave për mesazhe të padërguara, duke i shënuar këto mesazhe jo të plota drejtpërdrejt në listën e bisedave.
Sipas regjistrit zyrtar të ndryshimeve në App Store, draftet e mesazheve tregohen tani me një etiketë të re “Draft” drejtpërdrejt me listën e bisedave. Kjo veçori shfaq tekstin e çdo mesazhi të paplotë pikërisht në listën e bisedave. Kjo do t’i ndihmojë përdoruesit të shohin se çfarë po shkruanin pa e hapur bisedën. Për më tepër, kjo veçori shërben si një kujtesë për përdoruesit, të cilët shpesh ndërpriten ose shpërqendrohen gjatë shkrimit, duke reduktuar mundësinë e lënies së mesazheve të padërguara.
Versioni më i fundit beta i Whatsapp për Android përfshin një buton që ju dërgon direkt te aplikacioni juaj i fotove dhe videove. Kjo veçori është ende në testim, kështu që nuk është ende e disponueshme për publikun. Tani për tani, nëse doni të ndani diçka nga fotot tuaj në WhatsApp, duhet të klikoni në ikonën e kamerës ose te menuja ku keni një sërë opsionesh të ndryshme. Edhe pse është mirë që keni opsione të ndryshme, nuk është një gjë e shpejtë nëse thjesht dëshironi të dërgoni një foto ose video. WhatsApp po punon për qasje më të thjeshtë në fotot tuaja.
A keni menduar ndonjëherë se si bëjnë para aplikacionet falas për shkëmbim mesazhesh si WhatsApp? Kur bëhet fjalë konkretisht për WhatsApp-in, sigurisht që i ndihmon, si fillim, që janë pjesë e kompanisë Meta. Megjithatë, një pjesë të mirë të të ardhurave WhatsApp e fiton nga kompanitë që duan të komunikojnë me “përdoruesit e zakonshëm” përmes kësaj platforme. Prandaj, korporatat paguajnë një shumë të caktuar parash për të pasur qasje në ndërveprimet me klientët individualë nëpërmjet WhatsApp. Kjo përfshin jo vetëm korrespondencën, por edhe transaksionet financiare si blerja e një bilete autobusi brenda aplikacionit.
