BOLOGNA – Një 40-vjeçar me origjinë shqiptare është arrestuar nga Policia italiane pasi ka goditur me shqelma dhe grushta një të ri shurdhmemec, më pas i ka rrëmbyer nga dora çantën dhe ka tentuar të arratiset.
Ngjarja ka ndodhur pasditen e së shtunës në Piazza Medaglie d’Oro, përballë stacionit të trenit.
Kanë qenë vetë oficerët që kanë vënë re se një i ri ishte i shtrirë në tokë dhe se personi që po e rrihte, sapo i pa, tentoi të arratisej.
Pasi e ndoqën, e bllokuan në Piazza XX Settembre.
Ai kishte me vete çantën, celularin, portofolin dhe dokumentet.
Viktima, të cilës iu kthye malli i vjedhur, ka pësuar lëndime në fytyrë.
