I pastrehë, i sëmurë dhe i kequshqyer… Legjenda e kombëtares italiane, Salvatore Schillaci, mbetet në gjendje të rëndë në një spital në Palermo, për shkak të komplikimeve të shkaktuara nga kanceri i zorrës së trashë.
Megjithatë, është edhe një anëtar tjetër i familjes Schillaci, që po krijon shqetësim. Sipas Corriere dello sport, kushëriri i Salvatore Schillacit, Antonio Maurizio Schillaci, është gjithashtu një ish-futbollist dhe, aktualisht, në moshën 62-vjeçare, është i pastrehë në Palermo.
Karriera e tij nuk ishte aq e ndritshme sa ajo e kushëririt të tij, Maurizio Schillaci vazhdoi të përfaqësonte Licata, Messina, Rimini, Juve Stabia, Palermo, ku bëri debutimin e tij profesional, madje edhe Lazio.
Por karriera e tij ishte gjithmonë shumë e penguar nga dëmtimet dhe, pasi hyri në botën e drogës, Maurizio Schillaci përfundoi duke jetuar në rrugët e Palermos.
“Siç e dini, ne e ndihmuam Maurizio Schillaci e pastrehë dhe qenin e tij. Ai është duke bërë një kontroll shëndetësor dhe ne po e ndihmojmë të kujdeset për qenin e tij.
Maurizio është në një gjendje të kequshqyerjes së konsiderueshme. Ai është i lodhur duke ngrënë vetëm ushqime të konservuara”,- shkroi Giusy Caldo, një nga vullnetarët që e ndihmon Maurizio Schillacin.
