Sinoptikani Hakil Osmani tregoi parashikimin e motit për kete javë .
Sipas tij, Shqipëria do ketë një mot të qëndrueshëm me shumicën e kohës diell, por pa munguar edhe kalime vranësirash.
Ai tha gjithashtu se pritet që të martën temperaturat të ulen, ndërsa theksoi se ka mundësi edhe për reshje shiu.
“ Dita e sotme do të vijojë me temperatura të larta, duke bërë që temperaturat të ngjiten deri në 20-21 gradë celsius në zonat e izoluara. Kryeqyteti parashikohet të ketë temperaturë deri në 19 gradë në mesditë. Sa i përket kushteve të motit do të mbetemi në mbizotërimin e kthjellimeve, do ketë kalime vranësirash të cilat me kalimin me orëve do bëhen edhe më të shpeshta.
Dita e martë do të ketë vranësira të dendura dhe mund të ketë momente të pakta me rreshje të izoluara shiu. Ajo që do jetë më e ndjeshme do jenë temperaturat e ajrit. Pritet të kemi një rënie të tyre me 4 gradë. Ato do të zbresin deri në 16 gradë celsius.
Do kemi një ndryshim të menjëhershëm dhe nga dita e mërkurë e në vijim do kemi përmirësim të kushteve të motit. Do kemi intervale me kthjellime, kalime vranësirash, herë pas here ato do jenë të shpeshta por vetëm në zonat malore. Këto kushte atmosferike do na shoqërojnë deri në fundjavë.
Sa i përket temperaturave të ajrit dita e mërkurë do të sjellë një rënie të ndjeshme të temperaturave, madje në zonat veriore priten edhe vlera negative”,-tha Osmani.
