Në rrjetet sociale janë publikuar dhe pamjet kur valët e para kanë goditur qytetin Suzu, teksa deri më tani raportohet se 6 persona kanë ndërruar jetë për shkak të shembjes së disa banesave. Tërmeti raportohet se shkaktoi valë prej rreth 1 metër përgjatë bregut perëndimor të Japonisë dhe Koresë së Jugut fqinje, me autoritetet që thonë se valë më të mëdha mund të pasojnë.
Agjencia Meteorologjike e Japonisë (JMA) lëshoi paralajmërime për cunami për prefekturat e Ishikawa, Niigata dhe Toyama. Një paralajmërim i madh për cunami – i pari që nga tërmeti dhe cunami i marsit 2011 që goditi Japoninë verilindore – fillimisht u lëshua për Ishikawa, por më vonë u hoq.
