Një ngjarje mjaft e trishtë në Burrel, pasi një fëmijë 2 vjeç ka ndërruar jetë rrugës për në spital.
Vogëlushi është ndjerë keq dhe ka humbur ndjenjat në kopsht.
Stafi me anë të një mjeti privat e ka dërguar në spital, por i mituri fatkeqësisht ka ndërruar jetë rrugës.
Mësohet se i mituri ishte ditë më parë me temperaturë dhe të vjella.
Duke raportuar mbi ngjarjen, policia lokale tha se “një fëmijë i mitur i moshës 2 vjeç, në ambientet e çerdhes nr 2, në Burrel ku ishte dërguar nga prindërit ka shfaqur probleme shëndetësore dhe menjëherë është dërguar nga dy edukatore në urgjencën e spitalit të Burrelit”.
Por vogëlushi ka humbur jetën në spital.
Grupi hetimor nën drejtimin e Prokurorisë po vijojnë hetimet për zbardhjen e rrethanave të kësaj ngjarjeje.
Do të jetë ekspertiza mjeko-ligjore ajo që do të hedhë dritë mbi tragjedinë.
