Një aksident me vkekje është regjistruar në mesditë në rrethrrotullimin e Treshit, në kryeqytet.
Një mjet transporti i tonazhit të rëndë ka përplasur një qytetar, i cili shihet në një video të siguruar, i shtritë përtokë mbi vijat e bardha.
Personi i aksidentuar njihet si Olsi dhe të gjithë përdoruesit e rrjetit social “Tik Tok” e njohin si “polic”, pasi gjithmonë qëndron në këtë zonë duke treguar afrimitet me drejtuesit e mjeteve.
Ai dyshohet se vuante nga shëndeti mendor, por çdo ditë bënte punën e policit në mënyrë vullnetare tek rrethrrotullimi. Ai mbante çdo ditë të veshur jelekun dhe mbante në dorë tabelën e policit, dhe ndihmonte njerëzit të ecnin në vijat e bardha.
NJOFTIMI I POLICISE
Më datë 04.04.2023, në rrugën “Kastriotët”, shtetasi K. F., duke drejtuar automjetin tip kamion, ka aksidentuar këmbësorin, shtetasin O. D., 32 vjeç, i cili si pasojë e aksidentit ka ndërruar jetë.
Grupi hetimor po punon për sqarimin e rrethanave të aksidentit.
