Një çift të dashuruarish më në fund kanë arritur të martohen pas gjashtë dekadash pasi prindërit e tyre anuluan fejesën.
Len Allbrighton, 79 vjeç dhe Jeanette Steer, 78 vjeç, patën një rrugë të vështirë dhe me pengesa derisa arritën të martohen, por tashmë ata janë më të lumtur se kurrë. Çifti u takua për herë të parë në vitin 1963 kur Len ishte 19 vjeç dhe Jeanette 18.
Ata punonin si infermiere praktikante në Spitalin St Mary në Newport në Isle of Wight dhe thanë se ranë në dashuri me shikim të parë.
Brenda disa muajsh nga takimi i tyre, Len ishe ulur në një gjunjë dhe i kërkoi asaj të martohej me të, por fati kishte rezervuar plane të tjera për ta. Pasi Jeanette pranoi propozimin e tij, ai u transferua në Australi, duke planifikuar të blinte një tokë dhe të ndërtonte një shtëpi ku ata të jetonin pasi të martoheshin.
Sidoqoftë, mosha kur mund të bëhej celebrimi në atë kohë ishte 21 vjeç dhe Jeanette ishte 3 vite më e vogël. Mamaja dhe babai i saj e ndaluan dasmën e planifikuar dhe Len mori një letër ku iu komunikua anulimi i fejesës.
Gjatë 50 viteve të ardhshme, Len u martua me një grua në Australi, pati tre fëmijë, u divorcua dhe u transferua në Stevenage ku punoi si infermier distrikti. Jeanette, ndërkohë, qëndroi në Isle of Wight për t’u bërë gjithashtu një infermiere, më pas u martua me një oficer detar dhe pati dy fëmijë.
Ajo ishte në pension dhe ende me burrin e saj, kur Len vendosi ta kërkonte atë duke udhëtuar në Newport për të gjetur adresën e saj.
Len u shpreh se ishte i frikësuar nga reagimi i saj dhe gjëja e vetme që ai kërkonte të dinte ishte nëse ajo ishte mirë apo jo. Len vizitoi shtëpinë e saj duke qëndruar pranë gardhit të saj të kopshtit. Në ato momente del Jeanette dhe e pyet se kush ishte.
Jeanette tha: Për pak sa nuk vdiqa kur kuptova si ishte ai që po qëndronte pranë gardhit tim të kopshtit.
Por dy vjet më vonë, burri i Jeanette-s vdiq nga kanceri dhe ajo kërkoi Len përmes një adrese që ai i kishte dërguar një kartolinë Krishtlindjesh një vit më parë.
Në vitin 2018, ajo pranoi të shkonte në Stevenage për të jetuar me të, dhe vitin e kaluar Len u ul përsëri në një gjunjë dhe i kërkoi asaj të martohej me të.
Dasma e tyre u zhvillua më 11 shkurt, me unaza të reja dhe të pranishëm ishin fëmijët, nipërit dhe mbesat e tyre.
