Policia e Shtetit ka publikuar pamjet nga kamioni ku ishte fshehur sasia rekord e kokainës në Portin e Durrësit, me vlerë tregu rreth 180 milion euro.
Policia e Shtetit në bashkëpunim me Prokurorinë e Krimeve të Rënda dhe Drejtorinë e Hetimit Doganor, mbi bazën e informacioneve të siguruara më herët dhe analizës së riskut, pas një pune të mirë organizuar dhe të koordinuar, ka arritur të finalizojë me sukses operacionin e koduar “Last Snow”.
Kokaina e sekuestruar në portin e Durrësit mbrëmjen e kësaj të mërkure, ishte fshehur në dyshemenë e dyfishtë të kamionit të ngarkuar me banane.
Në kuadër të operacionit të koduar “Last Snow” (Dëbora e fundit), u zbulua lënda narkotike e fshehur mes bananeve të porositura nga kompania “Arbri Garden”.
Policia arrestoi si të dyshuar dy djem 25-vjeçarë Donaldo Lushaj dhe Armando Pezaku, ndërsa pronari i kompanisë, A. Ç., është shpallur në kërkim.
Sasia e drogës 613 kg kokainë dyshohet e lidhur me një rrjet trafiku që nis nga Kolumbia dhe përmes organizatave të krimit të organizuar shqiptar përfundon në tregun europian.
Kokaina e sekuestruar ishte e ndarë në 528 pako të mbështjella me natriban me kode të vendosura nga trafikantët. Kontenieri i mbërritur në Portin e Durrësit, u mbajt nën vëzhgim të pandërprerë deri sa mbërriti në magazinat e firmës, nga strukturat e Policisë së Shtetit.
Shërbimet e Policisë kanë rrethuar në perimetrin e jashtëm objektin e më pas kanë ndërhyrë në brendësi të magazinës. Pas kontrollit të imtësishëm të kontenierit, kanë bërë të mundur gjetjen dhe sekuestrimin e lëndës narkotike.
<iframe src=”https://www.facebook.com/plugins/video.php?href=https%3A%2F%2Fwww.facebook.com%2F1502420603377639%2Fvideos%2F2119619301657763%2F&show_text=0&width=560″ width=”560″ height=”315″ style=”border:none;overflow:hidden” scrolling=”no” frameborder=”0″ allowTransparency=”true” allowFullScreen=”true”></iframe>
