Fizikantia Mimoza Hafizi teksa ka komentuar shërbimin satelitor i cili u prezantua ditën e djeshme nga kryeministri, Edi Rama, u shpreh se është jo efikase që të shpenzohen 6 milionë euro për satelitë.
Ajo theksoi se sateliti për një orë e gjysëm do të bëjë një rrotullim të plotë të të gjithë perimetrit të trajektores ku është përcaktuar dhe në vendin tonë do qëndrojë vetëm 1 minutë.
“Besoj se bëhet fjalë për satelitët e zakonshëm që hidhen në lartësinë 400 apo 500 kilometra nga Toka, që quhet orbita e ulët e satelitit, dhe satelit i tillë për një orë e gjysmë do të bëjë një rrotullim të plotë të të gjithë perimetrit të trajektores ku është përcaktuar, dhe imagjinoni për një orë e gjysmë se sa do të qëndrojë sateliti mbi Shqipëri.
Ai do qëndrojë vetëm 1 minutë. Është një objekt jo efikas. Kushton 6 milionë euro, dhe 6 milionë euro nuk e di nëse i kanë kontraktuar për një vit apo edhe për vitet tjera”, tha ajo në emisionin “Good Morning Albanians” në Euroneës Albania.
