Nga qendrueshmëria fiskale te moderimi në recetat ekonomike dhe taksa e sheshtë. Ndërsa fushata elektorale vazhdoi dhe sondazhet i dhanë asaj një rritje të qëndrueshme, Giorgia Meloni vazhdoi në përmbysje: vija politike kishte ndryshuar dhe ajo u bë më e moderuar. Por, cilat janë pikat kyçe të programit ekonomik të saj?
Qendrueshmëria fiskale
Meloni nuk premton rritje të pensioneve minimale në një mijë euro në muaj dhe jo një taksë të sheshtë prej 15% për të gjithë, siç bënë aleatët e saj. Duke treguar se cilën taksë të sheshtë do të donte, Meloni shpjegon se si është më mirë të fillohet ta aplikojë atë për të ardhurat në rritje.
Rishikimi i Planit Kombëtar të Rimëkëmbjes dhe Rezistencës
Ky plan përfaqëson një “mundësi të madhe për modernizimin e Italisë dhe infrastrukturave të saj, si dhe për ringritjen ekonomike të vendit”. Por, kriza e shkaktuar nga konflikti I armatosur në Ukrainë, si dhe nga rritja e çmimeve të lëndëve të para, dikton një rishikim të shënjestruar të planit. Qëllimi është që “të shpërndahen më shumë burime për furnizimin me energji dhe sigurinë, të çlirojnë Italinë dhe Europën nga varësia e gazit rus dhe të mbrohet popullsia dhe struktura prodhuese nga racionimi dhe rritja e çmimeve”.
Taksa më të drejta
Partia fituese e zgjedhjeve “Vëllezërit e Italisë” propozon “uljen e barrës tatimore për bizneset dhe familjet nëpërmjet një reforme në emër të barazisë: reforma e tatimit mbi të ardhurat personale me futjen progresive të koeficientit familjar; Shtrirja e taksës së sheshtë për TVSH-në deri në 100 mijë euro xhiro; vendosja e taksës së sheshtë për rritjen e të ardhurave në krahasim me vitet e mëparshme; eliminimi progresiv i taksës rajonale mbi aktivitetet prodhuese dhe racionalizimi i mikrotaksave. Taksë fikse 21% edhe për dhënien me qira të pronave tregtare në zona të favorizuara dhe të degraduara. Rritja e kufirit në përdorimin e parasë cash, si dhe masa të tjera.
Mbështetje për sipërmarrjet që krijojnë vende pune në Itali
Qëllimi është inkurajimi i zhvendosjes së aktiviteteve prodhuese në Itali dhe dekurajimi i zhvendosjes së tyre, për të luftuar me vendosmëri konkurrencën e pandershme dhe praktikat evazive të transferimit të qendrave të kompanive në parajsat tatimore europiane, forcimi i mjeteve për të stimuluar dhe inkurajuar kanalizimin e kursimeve private drejt financimit të ekonomisë reale, veçanërisht në ndërmarrjet e vogla dhe të mesme, si dhe favorizimi i pjesëmarrjes së punëtorëve në qeverisje korporative.
Racionalizimi i sistemit të stimujve për bizneset
Një objektiv tjetër i Giorgia Meloni është racionalizimi i sistemit të stimujve për bizneset,që sot përbëhet nga mbi 1400 ndërhyrje subvencionuese kombëtare dhe rajonale. Synohet edhe lehtësimi i aksesit në tregun e kapitalit duke thjeshtuar kërkesat për ata që vendosin të dalin publikisht. Dhënia e stimujve strukturorë dhe kreditimit të taksave për investimet teknologjike dhe shpenzimet e kërkimit dhe zhvillimit dhe favorizimin e rritjes dimensionale të ndërmarrjeve të vogla dhe të mesme
Promovimi i markës “Made in Italy”
Promovimi i markës “Made in Italy” kalon edhe nëpërmjet forcimit të Agjencisë për promovimin jashtë dhe ndërkombëtarizimin e ndërmarrjeve italiane, zyrave tregtare të ambasadave, rolit të Dhomave të Tregtisë dhe instituteve kulturore për të ndihmuar kompanitë italiane për të gjetur mundësi të reja në nivel ndërkombëtar dhe përballuar sfidat e tregut global.
Ulja e taksave të punës
Strategjike do të jetë ulja e taksave të punës nëpërmjet shkurtimit strukturor të taksës në dobi të punëtorëve dhe bizneseve. Në të ardhmen e afërt po mendohet vendosja e një super zbritjeje të kostove të punës për kompanitë që rrisin punësimin në krahasim me vitet e mëparshme.
Integrimi I të rinjve në botën e punës
Për të promovuar trajnimin dhe integrimin e të rinjve në botën e punës, synohen masa mbrojtëse të përshtatshme, nisja me efektivitet i reformës së Instituteve të Larta Teknike, forcimi i sistemit të kurseve pas diplomës për punësim, promovimi I trajnimit në Shkencë, Teknologji, Inxhinieri dhe Matematikë, për të lehtësuar hyrjen e të rinjve në botën e punës dhe plotësuar mungesën aktuale të punonjësve të kualifikuar në këto lëndë.
Heqja e të ardhurave nga shtetësia
Giorgia Meloni synon heqjen e të ardhurave nga shtetësia për të futur një mjet të ri që mbron njerëzit pa të ardhura, efektivisht të brishtë dhe të paaftë për të punuar, ose në vështirësi për t’u punësuar, siç janë invalidët, personat mbi 60 vjeç, familjet me të fëmijë mitur në ngarkim. Për të aftët për punë, do të ketë kurse trajnimi dhe forcim të politikave aktive të punës. Rritje e pensioneve minimale dhe sociale, si dhe ndërtimi i një modeli të rrjeteve universale të sigurimeve shoqërore për të gjithë punonjësit.
