Një makine ka përfunduar në lumin e Lanës në Tiranë në orët e para të mëngjesit të sotëm.
Policia bën me dije se shoferi ka humbur kontrollin e automjetit duke dalë nga rruga dhe përfunduar në “Lanë”.
Pas aksidentit mësohet se shoferi ështe larguar nga vendngjarja, ndërsa policia është vënë në kërkim të tij.
Njoftimi i policisë:
Më datë 13.08.2022, në orët e para të mëngjesit, në afërsi të Brrylit, një shtetas ende i paidentifikuar dyshohet se duke drejtuar mjetin, ka humbur kontrollin mbi drejtimin e tij, për pasojë mjeti ka dalë nga rruga dhe ka rënë në lumin e Lanës.
