Disa ditë përpara mbajtjes së finales së Conference League mes Romës dhe Feyenoord po vihet në zbatim kërkesa e UEFA-s për lirimin e hapësirave të lokaleve dhe restoranteve që ndodhen në stadiumin “Air Albania”.
Duke nisur nga kjo e premte ambientet rreth e përqark stadiumit do të lirohen dhe do të kthehen në hapësira të dedikuara për tifozët.
Zëvendësministri i Brendshëm, Julian Hodaj iu bëri thirrje që qytetarët ta mirëkuptojnë policinë për masat e marra për përgatitjen e këtij eventi sportiv ku parashikohen të ketë kufizim të lëvizjes së automjeteve dhe me vendim qeverie 25 maji në Tiranë është shpallur ditë pushimi.
