Sinoptikania e Meteoalb, Lajda Porja tregoi diten e sotme në një interviste televizive se vendi ynë këtë fundjavë parashikohet të jetë nën ndikimin e motit me reshje shiu.
Sipas saj, e shtuna pritet të ketë alternime kthjellimesh, ndërsa dita e dielë dhe e hëna do kenë reshje shiu të konsiderueshme.
Duke folur për parashikimin e muajit dhjetor, sinoptokania tha në “News24” se do kemi një muaj me reshje të bollshme dhe karakteristike është dëbora e cila do jetë shumë e pranishme.
Porja thekson se ky dhjetor kthen dimrin e para viteve ’90, tipik me temperatura të ulëta dhe borë.
Moti i keq që ka përshfirë Shqipërinë, ka shkaktuar probleme në akset rrugore, apo edhe vonesa në nisjen e trageteve. Gjithsesi, të gjitha rrugët janë të kalueshme, ndërsa në zonat malore rekomandohet pajisja e mjeteve me zinxhirë.
