Shqiptarët janë sensibilizuar masivisht për familjen e 20-vjeçarit shkodran Musaen Zeneli.
Një emigrant shqiptar në SHBA, Saimir Dashi që drejton organizatën USA ALBANIAN SOCIETY ka hapur një llogari në ndihmë të familjes Zeneli dhe mësohet se deri më sot janë mbledhur plot 23,406 dollarë.
Llogaria ku mund të ndihmoni familjen Zeneli: Ndihmo Familjen e Musaen Zenelit
Ai u shpreh se javën tjetër do të vijë personalisht në Shqipëri dhe do t’ja dorëzoj vetë nënës së djalit.
“Shoqata jonë është në New York dhe një nga pikat tona është mbështetja e çdo emigranti. Ky rasti i djaloshit na preku të gjithëve dhe morëm nismën për një “go found me”. Me këtë rast dua të ngushëlloj edhe nënën që humbi dritën e syve. Fakti që ai mbylli jetën me 30 lekë në xhep na bëri të kuptojmë edhe më shumë. Prandaj deri më tani janë mbledhur 23 mijë e 406 dollarë.
Javën tjetër unë do vij vetë me disa miq dhe do ja dorëzoj nënës. Gjej rastin të falenderoj edhe Marin Memën që na ndihmoj për ta shpërndarë si dhe shumë portale në Shqipëri.
Unë dua të jap dy mesazhe, të drejtojmë gishtin te vetja se çfarë mund të bëjmë ne më shumë si arsimtar si kamarier dhe e dyta të bëjmë diçka më shumë për Shqipërinë. Unë takoj përditë shqiptarë që kanë shpresë dhe mendoj që ka ardhur momentin që të ngremë zërin për të ardhmen. Të luftojmë për jetën dhe jo vdekjen se një herë na jepet kjo mundësi”, tha ai.
Kujtojmë që 19 vjeçari prej muajsh mundohej të mbante familjen. Jetonte vetëm me nënën, pasi babain e kishte humbur. Që prej asaj kohe ai bashke me vellain e tij duhet të përkujdesej për nënën.
E shtuna ishte dita e parë e tij. Punën e mbylli pak pas mesnate, pa e ditur se nuk do të kthehej më në shtëpi. Në xhep kishte disa qindarka, bakshishi i pushuesve që morën çadra e shezllonë. Musaeni la pas nënën dhe vëllain, Erdisin.
