Pushime mes zhurmës së fadromave dhe pluhurit. Këto pamje vijnë nga bregdeti Shëngjinit.
Përgjatë plazhit të Shëngjinit do prishen 7 objekte pa leje të ndërtuara prej kohësh që janë në proces legalizimi apo në procese në gjyqësore. Ndodhen pranë zonave të plazhit duke krijuar zhurma dhe bezdisje për turistët.
“Nuk mendoj që është normale sidomos në këtë kohë. Është dashur të ndërhyjnë më herët jo në këtë kohë. Unë për vete s’po ndihem mire”, shprehet një prej tyre.
Janë shqetësuar dhe nga prania e forcave të shumta policore.
“Kur pamë kaq sh policë thamë ç’po bëhet, s’është normale”.
Ndërsa nga ana tjetër një prej qytetarëve që ju shemb lokali nuk kundërshtoi por u ankua që nuk pati kohë të mjaftueshme që të merret sendet e nevojshme.
“Dje më erdhi njoftim të paktën të merrja gjëra që më duheshin”.
Aksionin për shembjen e lokaleve pa lejë në Shëngjin nis ditën e hënë, ku u prish vetëm një prej tyre. Fadroma pati një defekt I cili u riparua dhe aksioni rinisi këtë të martë.
