Greqia ka vendosur të lehtësojë kufizimet anti-Covid për fluturimet nga Shqipëria, Turqia dhe Maqedonia e Veriut, bëri të ditur sot autoriteti grek i aviacionit civil, citon noa.al një njoftim të Reuters.
Megjithatë, të gjithë udhëtarët që mbërrijnë në vendin fqinj duhet të tregojnë përgjigjen e testit negativ për Covid-19, brenda 72 orëve të fundit.
Të gjithë pasagjerët duhet të paraqesin një test negativ për Covid-19 të marrë brenda 72 orëve nga mbërritja në territorin grek. Ata gjithashtu duhet të karantinohen për 7 ditë në banesë, hotel apo mjedis tjetër që kanë zgjedhur të qëndrojnë.
Në njoftim nuk është e qartë nëse lehtësimi përfshin të gjithë shtetasit shqiptarë apo si deri sot, vetëm për grekët dhe shqiptarët me letra në Greqi.
Autoriteti i Aviacionit Civil grek, për vizitorët nga Rusia, nga 500 që ishin në javë, e ka çuar numrin në 4,000, për aeroportet e Athinës, Selanikut dhe Heraklion në Kretë.
Pasagjerët nga Britania e Madje dhe Emiratet e Bashkuara Arabe do t’i nënshtrohen një testi të shpejtë të detyrueshëm COVID-19 pas mbërritjes në Greqi.
Pasagjerët britanikë do të duhet të bëjnë një test të dytë, 7 ditë pas mbërritjes në Greqi.
