Mesojini femijet te bejne punet e shtepise. Kjo jo vetëm do t’i ndihmojë atë të disiplinohen e të njohin rregullat për mirëqenien e tyre, por do të kontribuojë edhe në përfitimin e një lloj autonomie dhe pavarësie në jetën e tyre.
Një mënyrë e thjeshtë dhe praktike për t’ua rrënjosur ndjenjën e përgjegjësisë konsiston në të bërit të fëmijës pjesëmarrës në detyrat e shtëpisë.
Ja se çfarë rekomandojnë psikologët sipas Revistës Psikologji bazuar në moshën e fëmijës:
Për fëmijë 2-3 vjeç
– të organizojë lodrat e veta
– të ushqehet vet
– të hedhë mbeturinat në kosh
– të ujisë bimët
– të çojë rrobat e veta në vendin e duhur
Për fëmijë 4-5 vjeç
– të vishet vetë
– të shkojë në tualet
– të ndihmojë në shtrimin e tryezës
– të ushqejë kafshën shtëpiake
Për fëmijë 6-7 vjeç:
– të shtrojë shtratin
– të organizojë tryezën e punës
– të përgatisë çantën e shkollës
– të lajë pjatën
– të marrë pluhurat apo të ndihmojë në pastrimin e shtëpisë
Për fëmijë 8-9 vjeç:
– të lahet vetë
– të lajë dyshemenë
– të kujdeset për kafshën shtëpiake
– të përgatisë mëngjesin
– të lajë pjata i vëzhguar nga prindi
Për fëmijë 10-11 vjeç:
– të pastrojë dhomën e vet
– të shtëtisë qenin
– të pastrojë kopshtin
– të nderë rrobat
– të kujdeset për vëllain apo motrën e vogël
Për fëmijë mbi 12 vjeç:
– të hedhë plehrat
– të bëjë pazarin
– të fshijë pluhrat
– të qepë me gjilpërë
– të mësojë shumë gjëra të tjera nga kureshtja
Në fillim kur i lexojmë gjithë këto “punë” për fëmijët na duken të tepërta për ta pasi i mendojmë gjithnjë të vegjël dhe të paaftë për punë por duke u përfshirë në punë dhe duke marrë mbi vete përgjegjësi, fëmija do të mësojë shumë.
Do të mësojë të vlerësojë punën e tjetrit, të jetë falenderues ndaj gjërave që i serviren apo shërbimeve që i kryen dhe mbi të gjitha do të mësojë të vlerësojë veten përmes përgjegjësive.
Burimi: lezhanews