Ministri i Zhvillimit Rural grek, Makis Voridis njoftoi dorëzimin e një ligji brenda nje jave per te zgjidhur çështjen e fermerëve sezonalë nga Shqipëria që punojnë në fushat e vendit fqinj.
Nga radio “THEMA 104.6”, ministri tregoi se ky problem u ngrit pas mbylljes së kufirit greko-shqiptar për shkak të pandemisë së koronavirusit, por siguroi se me garanci shëndetësore do të kenë numrin e punëtorëve që i duhen, në mënyrë që të mos ketë ndonjë çrregullim produktiv sidomos për produktet e prodhuara në maj dhe qershor si qershitë dhe pjeshkët.
