Pak më herët u bë i ditur lajmi se shqiptarët nga 2021 duhet të pajisen me një vizë për të udhëtuar drejt vendeve të zonës Shengen.
(European Travel Information and Authorization System) ETIAS u propozua nga Komisioni Evropian në prill 2016 dhe u miratua në nëntor 2016.
Pritet që deri në fund të vitit 2021, sistemi ETIAS të implementohet plotësisht.
Aplikantët do të duhet të kryejnë një regjistrim ETIAS përpara se të udhëtojnë në Evropë.
Formulari i aplikimit ETIAS gjendet online dhe në të shumtën e rasteve autorizimi bëhet vetëm në pak minuta.
I gjithë procesi i regjistrimit dhe aplikimit në internet nuk do të kërkojë më shumë se 10 minuta.
Pasi procesi i regjistrimit dhe aplikimit të ETIAS përfundon ai dorëzohet dhe miratohet, dokumenti i autorizimit të udhëtimit ETIAS do të lëshohet dhe do të vlejë për 3 vjet radhazi.
Për të kryer aplikimin ju duhet të zotëroni një pasaportë biometrike dhe po ashtu nja kartë krediti për kryerjen e pagesës. Në fund duhet të zotëroni edhe një adresë e-maili ki edhe do merrni konfirmimin dhe aprovimin e vizës.
Çfarë informacioni duhet të kenë aplikantët për plotësimin e formularëve:
Emri i plotë
Data dhe Vendi i lindjes
Adresa e tanishme
Informacion për prindërit
Pasaporta dhe detaje të tjera të kombësisë
Përveç informacionit themelor personal, aplikantët gjithashtu do të duhet t’u përgjigjen pyetjeve në lidhje me:
Përdorimin e drogës
Terrorizëm
Trafikimi i qenieve njerëzore
Udhëtimi në zonat e konfliktit
Histori kriminale
Historiku i punës
Informacione të udhëtimeve në të kaluarën
Informacione për sigurinë
Nëse kërkesa është refuzuar, mund t’ju kërkohen informacione shtesë. Udhëtari do të ketë 96 orë për ta siguruar atë, dhe autoriteti kombëtar i vendit përkatës anëtari i Shengenit do të ketë katër javë kohë për të marrë një vendim. Në rast të mohimit, aplikanti ka të drejtë ankese.
