Stadiumi i ri i Kombëtares shqiptare do të jetë gati, së shpejti.
Të gjithë futbolldashësit shqiptarë e presin me padurim çastin të shohin kombëtaren e tyre të zbresë në stadiumin e ri në Tiranë për të luajtur sfidat e saj.
Kryeministri Rama, ka publikuar pamje nga testimi i ndriçimit që po kryhet brenda stadiumit.
Ai thekson se ndriçimi brenda stadiumit “Arena Kombëtare” është në parametrat ultramoderne.
“ARENA KOMBËTARE në testimin e sistemit ultramodern të ndriçimit”, shkruan Rama krahas videos së publikuar.
