Çdo natë përdor dritat e restorantit për të studiuar, pasi aty ku jeton nuk ka elektricitet. Por kjo nuk e shkurajon aspak!
Pabarazitë që ekzistojnë në botën ku jetojmë janë të pabesueshme!
Ndërkohë që disa njerëz kanë gjithçka duan, të tjerë përpiqen të mbijetojnë dhe bëjnë ç’të munden, duke u përballur me një ‘beteje’ të përditshme, në të cilën duhet të përballojnë urinë, mungesën e një banese, familjen dhe kushtet minimale të dinjitetit për të mbërritur në një ditë të re.
Fatkeqësisht, shumë fëmijë jetojnë në kushte të tmerrshme dhe nuk kanë strukturën e nevojshme për t’u rritur të shëndetshëm dhe të lumtur.
Përveç dëmit emocional të jetës në këtë mënyrë, përballen edhe me një tjetër problem të madh: mungesën e kushteve për edukim dhe shkollim.
Në një realitet të jetës, ku ushqimi është diçka e rrallë, librat dhe fletoret kthehen në një lluks të madh.
E megjithatë, edhe në këto kushte mund të gjesh shembuj të shpresës dhe dedikimit: njerëz që, edhe pse të vegjël në moshë, janë të gatshëm të transformojnë ‘botën e tyre’!
Ky është mesazhi i madh që një fëmijë filipinas i transmeton botës pasi u fotografua në një moment shumë të veçantë.
Një student filipineze, e quajtur Joyce Torrefranca ka realizuar një foto shumë prekëse.
Fotoja tregon një fëmijë të pastrehë, i gjunjëzuar mbi dysheme me një lapës në dorë, një libër të hapur dhe një tryezë të improvizuar.
Fëmija bënte detyrat e shkollës dhe përdorte dritat restorantit të McDonald’s për të parë.
Historia e familjes është shumë e trishtueshme:
Shtëpia e tyre u shkatërrua tërësisht gjatë një zjarri dhe jetonin në një dyqan, ku punonte e ëma. Ajo, vejushë, kujdeset për djalin dhe për një tjetër fëmijë, i cili është i sëmurë.
Gjithnjë përballë këtij realiteti, fëmija ka vazhduar të vlerësojë mësimet dhe ka vënë në lëvizje shumë student që kanë parë këtë skenë.
Ka njerëz që kanë të gjitha mundësitë për studim, por shpesh nuk vlerësojnë këtë mundësi që u është dhënë.
Fëmija quhet Daniel Cabrera dhe është 9 vjeç. Çdo natë ai përdor dritat e restorantit për të studiuar, pasi aty ku jeton nuk ka elektricitet. E megjithatë, kjo nuk e shkurajon aspak:
“Pavarësisht situatës sime, jam i vendosur të përfundojë studimet e mia dhe të jem në gjendje të ndihmoj familjen time”, ka thënë Daniel për CBN News.
Një nga mësueset e djalit, Rosalina Detuya, nënvizon inteligjencën e tij: “Daniel ëstë një fëmijë i lumtur. Është edhe inteligjent dhe merr pjesë dhe përgjigjet gjatë bisedave në klasë, është shumë aktiv në mësim!”
Kur fati merr kthesë:
Realiteti familjar nisi të ndryshojë pasi fotoja e realizuar nga studentja Joyce, u publikua në Facebook.
Kështu, u mblodhën shumë donacione, ku përfshiheshin një bankë ku djali të mësonte, një uniform shkolle dhe këpucë. Mbi të gjitha, tani aid he familja e tij jetojnë në një shtëpi të tyren, qiranë e së cilës e paguan një prift i rajonit të vogël.
Nëna kujton momentet e vështirësive që u janë dashur të përballojnë:
“Ndonjëherë i thoja të rrinte në shtëpi sepse nuk kisha para që ai të hante drekën në shkollë, por ai nuk donte, pasi mësuesja i kishte thënë se mund të qëndronte”, rrëfen gruaja.
Për fat të mirë, tani jetojnë më mirë dhe Daniel mund të usheqejë ende ëndrrën për të qenë një polic.
Shpresojmë që ai të arrijë të realizojë ëndrrën e tij dhe të jetë në gjendje të ndihmojë të ëmën.
Ky fëmijë është një shembull për t’i treguar botës se nuk mund të heqim dorë nga dija, studimet, pasi kjo mund të transformojë vërtet jetët tona.
