Gjatë aktivitetit “Bashkia që duam” në qytetin e Pukës, Kryeministri Rama mori një kërkesë të “çuditshme” nga një banore e zonës.
“Duke qenë se Kryeministri i ka respektuar shumë”, tha qytetarja gjatë fjalës së saj, ajo do të donte që djalin e Kryeministrit, Zahon ta bënin dhëndër në qytetin e Pukës.
“Një kërkesë kam unë. Zahon e vogël do e bëjmë dhëndër në Pukë”, tha qytetarja.
Por kërkesa e qytetares mori përgjigjen e Kryeministrit Rama.
Ai tha se nuk është politikan si të tjetër që bëjnë premtime, ndaj këtë gjë nuk e premtonte dot.
“Po të isha politikan si të tjetër do thoja patjetër. Por këtë nuk e premtoj dot. Shaka, shaka por këtë nuk e premtoj dot”, tha Rama.