Ditën e sotme një ngjarje historike është shënuar për futbollin shqiptar, pasi presidenti i Federatës Shqiptare të Futbollit, Armando Duka, ka marrë postin e rëndësishëm në UEFA.
Duka është zgjedhur anëtar i Komitetit Ekzekutiv të UEFA-s mes 11 kandidatëve që garuan. Ai arriti të marrë 36 vota nga 54 gjithsej në një votim që u zhvillua në Kongresin e 43-të të UEFAS-s në Romë. Në këtë kongres president i institucionit europian u rizgjodh Aleksandër Ceferin.
Siç bëhet e ditur mandati i Dukës do të jetë 4-vjeçar dhe kjo është hera e parë që Shqipëria përfaqësohet në pozicionin më të lartë të qeverisë në UEFA.
“Armand Duka është zgjedhur anëtar i Komitetit Ekzekutiv të UEFA-s për një mandat katër vjeçar. Për herë të parë në histori, futbolli shqiptar përfaqësohet në pozicionin më të lartë qeverisës të UEFA-s. Urime Presidenti #Duka #UEFACongress”, shkruhej në postimin e Federatës Shqiptare.
