Analisti Mustafa Nano dhe gazetari Berat Buzhala janë përplasur ashpër mbrëmë gjatë emisionit Opinion për çështjen e ministrit të Jashtëm dhe diskutimin mbi kufijtë.
Debati precipitoi në momentin kur Nano ju drejtua Buzhalës se po bën rolin e gardianit në interesin nacional që sipas tij i ka vënë damkën njerëzve tradhtar, relegatë.
Buzhala e ndërpreu duke i thënë se ai ka lirinë e fjalës, ndërkohë Rama ka pushtetin së bashku me Nanon i cili sipas tij e mbron atë.
Kjo bëri që Nano ti kërkonte Buzhalës të tërhiqte prapa ato që tha, ndërkohë që Buzhala qëndroi i vendosur në mendimin e tij duke lënë Nanon pa fjalë.
Mustafa Nano: Çështja e shkëmbimit të kufijve është një temë që më pëlqen shumë. Dhe meqë është dhe Berati këtu do të marr 30 sekonda, se kemi parë si Berati dhe shumë të tjerë si ai që marrin rolin e gardianit në interesin nacional që i vini damkën njerëzve tradhtar, relegatë, të drejtën e keni ju, të vërtetën e keni ju në xhep, sikur ne nuk dimë gjë e dini ju.
Berat Buzhala: Mustafa ne fjalën, ju pushtetin, vetëm këtë liri të fjalës mos ma ndaloni.
Mustafa Nano: Kush e ka pushtetin?
Berat Buzhala: Kryeministri Rama dhe ju që e mbroni!
Mustafa Nano: O Berat atë fjalën që the Rama dhe ju që i shërbeni Ramës do ta marrësh mbrapsht tani!
