Historia e Pellumb Bajrajkurtaj, i cili akuzon vjehrrin dhe baxhanakun e tij se i kanë marrë një shumë të madhe eurosh dhe nuk i kanë kthyer, është bërë sot pjesë e emisionit ‘Me zemër të hapur’. 48-vjeçari, emigrant shqiptar në Itali tregon në studion e ‘News24’ se prej vitesh kishte punuar me sakrifica.
Ai tregon se disa mijëra euro ia ka dërguar vjehrrit, ndërsa 4500 euro baxhanakut, të gjitha shumat që janë marre prej tyre janë të verifikueshme në telefon, por teksa vendosi të kërkonte që paratë e tij t’i ktheheshin filluan k.onfliktet ne familje. Vjehrri i ka kthyer nje pjese parash, ndërkohë që nuk pranon t’i kthejë 8 mije euro të tjera, shkruan “BalkanWeb”.
48-vjeçari ka kërkuar ndihmën e bashkëshortes, por teksa ajo mbështeti të atin ai vendosi të largohet nga banesa dhe te dorëzojë në gjykatën e Shkodrës kërkesë padinë për divorc. Ajo jeton së bashku me 2 djemtë, dhe prej gati 1 viti ata nuk jetojnë më. Pellumb Bajrakurtaj thotë se familja e tij u sh.katërrua pas 19 vitesh si pasojë e vjehrrit dhe nuk po gjen asnjë rruge për t’i dhënë fund këtij k.onflikti.
“Nusen e njoha me shkuesi. U nisa me gruan me gomone në Itali në vitin 2000. Më ndihmoi vjehrri im me borxh dhe më pas i dërgova 1 mijë lireta. Gruaja ishte shtatzënë dhe e lash në shtëpi për 4 vite. Lindi fëmija i parë dhe vetëm unë kam punuar. Kemi jetuar, jemi ushqyer. Pasi kam mbledhur lekë bashkë me gruan, ia çuam 6 mijë euro vjehrrit për t’i mbyllur. Më pas i çova 22 mijë euro të tjera. Ia nisa me kunatin. Pse mos të mi japë ato lekë. I dhashë 46 mijë euro, por në fakt i kisha dhënë 50 mijë euro. Si kam marrë këto lekë. Gruaja ime ka qenë në dijeni të gjithë kësaj, ndaj para 8 muajsh ia hoqa unazën nga dora”, tha Bajrajkurtaj
