Protesta e studentëve që është zhvilluar prej 3 ditësh para Ministrisë së Arsimit, ku kërkohen ulje tarifash, përmirësim të kushteve të konvikteve etj. është mbyllur edhe për ditën e sotme duke lënë që të mblidhen sërish nesër.
Në rrjetet sociale, po qarkullon një poster, me anë të të cilit studentët i japin ultimatum Ramës 3 ditë.
Kujtojmë se 4 kërkesat e studentëve ishin:
1. Anulimi i VKM për tarifa shtesë.
2. Përgjysmimi i tarifës së studimit.
3. Përmirësimi i kushteve të konvikteve.
4. Bordi i Administrimit të ketë̈ numër të barabartë votash mes
fakulteteve dhe Ministrisë se Arsimit, duke shtuar një përfaqësues nga
studentet ne bord.
Mbrëmë u shtuan edhe 10 kërkesat e studentëve të Universitetit Bujqësor të Tiranës, të cilat janë:
1- Paisja e të gjithë studentëve me Kartën e Studentit brenda vitit akademik 2018 – 2019;
2- Rritja e buxhetit për arsimin me 8% të GDP-së, buxheti për vitin 2019;
3- Reduktimi tarifës me 30% për vitin akademik 2018 – 2019;
4- Reduktimi tarifes me 50 % për vitin akademik 2019 – 2020;
5- Arsim publik falas për vitin akademik 2020 – 2021;
6- Përmirësimi i kushteve të konvikteve të Universitetit Bujqësor të Tiranës;
7- Mbështetja e aktiviteteve dhe projekteve të studentëve me një fond të veçantë, nivel fakulteti;
8- Mbështetje e studentëve për kërkime shkencore;
9- Mbështetje e studentëve të doktoraturës me fonde për kërkimin shkencor;
10- Rritja nga 10% në 40% e peshës totale të votës së studentëve për të zgjedhur kandidatët për dekan/rektor, dhe rritja e përfaqësisë së studentëve në senatin akademik me 20%.
(B.B/ Faxweb.al)