Qëndrimi i martuar për 60 vjet është një angazhim me të vërtetë i pabesueshëm. Nuk duhet të ketë sekrete për ata që kanë kaluar kaq shumë kohë së bashku. Por historia e sotme na tregon se pavarësisht premtimit për të thënë gjithçka, ka raste në të cilat kjo nuk është e mundur. Dhe zbulimi i sekreteve të partnerit mund të na bëjë të reagojmë në mënyra që nuk do të prisnim kurrë.
Ata ishin të martuar prej 60 vitesh dhe burri i saj nuk e kishte vënë re se gruaja e tij, në të gjithë këtë kohë, në dollap mbante një kuti këpucësh që përmbante brenda një pasuri të vërtetë, shkruan ShkodraNews. Gruaja i kishte kërkuar atij që kurrë të mos e hapte atë dhe të mos pyeste kurrë se çfarë ishte brenda. Dhe me sa duket ai pranoi pasi nuk dinte asgjë për atë që gruaja e tij bëri.
Vitet kaluan dhe burri gjithashtu e harroi atë kuti, të paktën deri në momentin kur gruaja e tij u sëmur rëndë.
Mjekët i thanë atij se për fat të keq ajo nuk kishte shumë për të jetuar. Ndërsa burri përpiqej të rregullonte të gjitha gjërat e gruas, ai gjeti kutinë dhe e çoi te gruaja. Ishte koha për të parë se çfarë përmbante kutia.
Kur e hapën kutinë, burri nuk mund t’i besonte syve. Brenda kishte 85.000 dollarë dhe dy kukulla të punuara me grep, shkruan ShkodraNews. Gruaja i tha burrit të saj: “Kur u martuam, gjyshja ime më tha se sekreti për një martesë të lumtur dhe të qëndrueshme vjen kur nuk debatoni. Në qoftë se ndonjëherë zemëroheni, ulu dhe qep një kukull”.
Sytë e burrit të saj u mbushën me lot: Kishte vetëm dy kukulla, kështu që gruaja ishte zemëruar vetëm dy herë. Më pas ai e pyeti se nga kishin ardhur të gjitha paratë.
“Janë paratë që fitova duke shitur të gjitha kukulla të tjera”, i tha gruaja. /Përshtati: ShkodraNews
