Mbi dy muaj më parë një 17-vjeçare u largua nga shtëpia e saj në Shkodër pa lënë një adresë për pjesën tjetër të familjes. Familjarët të alarmuar pasi kaluan disa orë dhe vajza e tyre M.H nuk po dukej në shtëpi, ndërsa nuk kishte asnjë kontakt, i janë drejtuar policisë. Nëna e saj F.H 37 vjeçe bëri kallëzimin duke thënë për efektivët se vajza e saj është larguar nga banesa pa e ditur se ku. Kërkimet nuk janë ndërprerë derisa as më shumë se dy muajsh policia e Shkodrës ka arritur që ta gjejë vajzën e re.
Menjëherë efektivët kanë bërë të mundur dorëzimin e 17-vjeçares pranë familjes së saj. Shtetasja M.H ka deklaruar në polici se ajo është largua me dëshirë nga banesa dhe se nuk ka pasur ndonjë problem me familjen.. Po ashtu vajza e re ka thënë se nuk ka patur as ndonjë problem tjetër me persona të tjerë dhe se nuk është shfrytëzuar nga askush, por thjesht është larguar me dëshirë.
Familjarët e saj në momentin kur e kanë parë vajzën e tyre pas më shumë se dy muajsh pa e ditur se ku ka qenë ajo kanë mbetur gati të shokuar. Të gjithë janë gëzuar për këtë rikthim por nga ana tjetër nuk e kanë kuptuar pse ka ndodhur e gjitha kjo. Normalisht që 17-vjeçarja do të ketë kohë për të folur me të gjithë dhe për të treguar arsyet e këtij largimi të pakuptimtë nga banesa e saj që për dy muaj frikësoi të gjithë. Ja dhe njoftimet e policisë për 17 vjeçaren:
Më datë 23.05.2018, shtetësia F.H, vjeç 37, banues në Shkodër, kallëzon se i është larguar nga banesa vajza M.H, vjeç 17. Punohet për gjetjen e saj. Materialet i kaluan Prokurorisë pranë Gjykatës së Shkallës Parë Shkodër.
Në vijim të informacionit datë 24.05.2018, që bën fjalë për largimin nga banesa të shtetases M.H, më datë 27.07.2018, u gjet dhe ju dorëzua familjarëve, e cila deklaron se është larguar me dëshirën e saj. Materialet u referuan në Prokurorinë pranë Gjykatës Shkallës së Parë Shkodër.
