Për herë të parë që pas 10 shkurtit kur edhe u arrestua, sot (31 tetor) Erion Veliaj është shfaqur publikisht, pasi ai merr pjesë në një seancë në Gjykatën Kushtetuese, ku do të shqyrtohet ankimi i tij për shkarkim nga kryetari i bashkisë së Tiranës.
Veliaj pasi zbriti nga furgoni i policisë që e shoqëroi nga paraburgimi i Durrësit deri në Kushtetuese, përshëndeti me dorë gazetarët e operatorët.
Ndërsa pyetjes nëse “Rama ka shkelur Kushtetutën”, nuk arriti t’i përgjigjej pasi u shoqërua nga efektivët brenda ambienteve të Gjykatës ku do të zhvillohet seanca për shkarkimin e tij.
“Mbante pranga në duar! Pyetjes nëse Rama ka shkelur Kushtetutën nuk pati mundësi ti përgjigjej përshëndeti me dorë gazetarët dhe operatorët përpara se të futej në Kushtetuese”, tha Klodiana Lala.