🌦 Parashikimi i motit për 24 orët në vijim
Pas reshjeve të izoluara të natës, dita e nesërme do të sjellë kryesisht kthjellime në të gjithë territorin, me vranësira kalimtare që herë pas here mund të japin pika shiu, sidomos në zonat lindore. Temperaturat do të shënojnë një rritje të lehtë në mesditë, duke arritur deri në 27°C në zonat fushore dhe bregdetare.
🔹 Era – e lehtë deri mesatare, me drejtim verior dhe verilindor.
🔹 Temperaturat minimale – 7°C në zonat malore, 14-15°C në ultësirën perëndimore dhe deri 18°C në bregdet.
🔹 Temperaturat maksimale – 20-22°C në zonat malore dhe 25-27°C në pjesën më të madhe të territorit.
Mot i paqëndrueshëm 5 ditet në vijim
- E mërkurë: kryesisht me kthjellime dhe vranësira, pa reshje.
- E enjte dhe e premte: rikthim i reshjeve të shiut dhe i dëborës në majat e maleve. Në veri dhe verilindje, dëbora do të shfaqet më dukshëm të premten.
- E shtunë: përmirësim i përkohshëm i kushteve atmosferike.
- E diel: rikthim i reshjeve për shkak të rritjes së temperaturave.
Rajoni dhe Evropa
- Ballkani verior dhe jugor do të përjetojnë vranësira dhe reshje, me dëborë në veri dhe shira në jug.
- Greqia dhe pjesë e Turqisë do të kenë reshje intensive.
- Në Europë, situata më problematike pritet në ishujt britanikë dhe gadishullin Iberik, ku ciklonet do të sjellin stuhi të fuqishme shiu dhe ere.
- Temperaturat do të pësojnë rënie të ndjeshme pothuajse në të gjithë kontinentin, përveç Skandinavisë dhe Britanisë ku mbeten pak më të larta.