Policia italiane ka arrestuar tre shqiptarë, njëri prej tyre nga Kosova.
Ata u arrestuan nga policia e Trevizos pasi shantazhonin njerëz duke u kërkuar shuma të mëdha parash pasi i filmonin duke bërë seks.
Tre shqiptarët kishin marrë një shtëpi me qira të cilën e përdornin për prostitucion.
Por klientët ata i fusnin në kurth pasi i filmonin gjatë aktit.
Me këto video ata i shantazhonin duke u kërkuar shuma deri në një mijë euro, në të kundërt do i çonin filmimet te gratë e tyre.
Një qytetar i denoncoi ata dhe policia i prangosi në flagrancë.