Një vajzë 6-vjeçare nga Rusia është cilësuar si vajza më e bukur në botë, pasi fotot e saj të publikuara në Instagram nga e ëma, u shpërndanë online.
Anastasia Knyazeva ka që tani një “ushtri” fansash online të cilët janë mahnitur nga pamja e saj si kukull porcelani me sy blu.
Vajza, edhe pse shumë e vogël është modele e suksesshme e markave për fëmijë në vendin e saj në Rusi.
Duket se Anastasia do të ecë në rrugën e Thylane, vajza franceze tashmë 16 vjeçe e cila spikati për bukurinë e saj kur ishte pikërisht 6 vjeçe dhe sot është një modele e suksesshme.
Llogaria e saj në rrjetet sociale drejtohet nga mamaja e saj Ana, e cila ka ngarkuar fotot e vajzës së saj të admirueshme që nga korriku i vitit 2015, kur ajo ishte vetëm katër vjeçe.
Në tetor të vitit 2016, Anastasia u votua për fytyrën më të bukur në botë nga ndjekës të mediave sociale.