Ndahen dhe bashkohen…
Kur PD e Salës,
ra nga qeveria,
shumë demokratë,
vanë tek LSI-ja!
Anijen qé mbytej,
minjtë e braktisën,
dhe tek Ilir Meta,
mijëra u kolisën!
Rrjedhja qe e madhe,
aq sa u bë lumë,
ndaj Parti e Metës,
u rrit me aq shumë!
Luli u bë bishë,
kur mori partinë:
“Strehë e maskarenjve!”
tha për LSI-në!
Dhe kur qe në çadër,
Luli turfullonte,
se me LSI-në,
kurrë s’do bashkëpunonte!
Dhe vjet në Qershor,
kur keq digjte vera,
i mori Lulashit,
dyzet mijë të tjera!
PD-ja tani,
është përgjysmuar,
dhe është LSI-ja,
që e ka firuar!
E mësoi ca vonë,
Luli-karabush,
se kur s’ke pushtet,
nuk të do askush!
Po Lulash i shkretë,
veten e tij talli,
prapë me LSI-në,
tok i mblodhi halli!
Ndahen dhe bashkohen,
ata hera-herës,
porsi dashuria,
në kohë të kolerës!
Gjithë kukuvajkat,
natë e ditë vajtojnë,
dhe Ramën-nga goja,
kurrë s’e lëshojnë!
Lulit i ka mbetur,
gjysma nga partia,
sot të njëjtin hall,
ka dhe LSI-ja!
Ku i ka anëtarët,
tamam nuk e dimë,
ama-këshilltarët,
po e lënë partinë!
Ikin pa pushim,
nga A-ja tek Zh-ja,
edhe krejt natyrshëm,
kthehen tek PS-ja!
Kthehen-sepse kanë,
për të zgjidhur halle,
edhe socialistja,
është si Nënë e Madhe!
Kthehen-more kthehen,
jo se humbën besën,
por dot s’e durojnë,
sërish rimartesën!
Nga gjithë këshillat,
ikën-more-ikën,
se s’durojnë dot,
Titin dhe Monikën!
Ikën dhe do ikin,
prapë e përsëri,
agresivitetin,
s’e duron njeri!
Duan bukë e punë,
në këtë katund,
jo përralla e përralla,
dhe fjalë pa fund!
Arben Duka