Saimiri ka sjellë në “Shihemi në Gjyq” babain e tij, Llanin. Rrëfimin e tij në rubrikën e së “Dielës Shqiptare” në Tv Klan ai e nis me një dashuri prej së cilës ka dy fëmijë. Saimiri tregon se fillimisht familjarët e tij dhe gruas, Drilonës me të cilën është ndarë por jo divorcuar, s’ishin dakord. Gjithsesi ata vazhduan historinë e tyre dhe pasi bënë fëmijët, vendosën të shkonin në Gjermani.
Llani thotë se ishte në dijeni të të gjithë veprimeve të të birit, por bëri “një sy qorr e një vesh shurdh”. Atij nuk i pëlqente nusja sepse i dukej e papërshtatshme. Pasi shkuan në Gjermani, Saimiri tregon se arritën të merrnin disa dokumente për azilin, por ndodhi diçka e papritur. Sipas tij, e shoqja i ka kërkuar kësaj gruaje që ta lërë të dashurin e saj dhe të vazhdonte ajo me të sepse i kujtonte ish-in.
Saimir: Aty takojmë një shqiptare, shoqe, familjare kjo. Aty nusja fillon të njihet me këtë. Ajo ia thotë të gjitha, historinë e saj e të gjitha. Kjo i beson, ia hap barkun të tërë, kjo imja, ishi im. I nxjerr të tëra, ça ka bërë, ça s’ka bërë, edhe çfarë bënte atje në banesën e saj. Na heqin, jetojmë 3 muaj aty, ikim në një vend tjetër se azil ishte, na çojnë në një vend tjetër. Në vendin tjetër vjen ky problemi i telefonit se kësaj i thoshte lëre ti të dashurin që ta ashtu unë se ky ngjan me ish-in tim.
Saimiri shton se Drilona i tregoi kësaj shoqeje çdo histori, lidhur edhe me të shkuarën e saj dhe për një lidhje që kishte pasur para tij. Jo vetëm kaq, ai pretendon se ka pasur tradhti nga ana e së shoqes gjatë martesës. I skandalizuar, Llani ngrihet në këmbë dhe pyet të birin pse nuk i ka treguar kurrë asgjë.
Llani: Ore të keqen babai, po ti s’më ke thënë asnjëherë asgjë për këto gjëra!
Saimir: Ça të të them?
Llani: Po ku m’i nxjerr tani?
Saimir: Po ju me ato probleme që keni pasur, unë çfarë t’ju them juve? Çfarë t’ju ngarkoj më unë juve? Ju ishit copë-copë për vete, ça t’u thosha juve?
Llani: Ore qofshit haram si fëmijë!
Saimir: Çfarë t’ju thosha unë juve, çfarë?
Llani: Ça është kjo kështu ore aman, ça fëmijësh janë këta sot? Nuk dëgjoni as nënë, as baba!
Saimir: Ju keni qenë shumë të ngarkuar, jeni shumë të ngarkuar dhe unë nga ajo nuk kam dashur t’ju ngarkoja më, nga ky problem.
Llani: Ore si ma prure si bombë këtë ti mua këtë ore? Po bën 17 vjet e po m’i thua sot? Kur i dije më përpara pse s’i ke thënë?
Saimir: Tani plasi!
Llani: Po çfarë do të bëjë babai? Çfarë të bëjë babai? Çfarë do ti tani?
Saimir: Dua ndihmë se jam i braktisur nga kalamajtë, nga të gjithë.
Llani: Je 40 vjeç burrë, unë të dhashë mend! Gruan e gjete vetë!
Saimir: Ore unë jam i braktisur nga kalamajtë e mi, dua kalamajtë e mi!
Llani: Mjerë atë që zë halli me këtë!
