Një aksident i rëndë trafiku është regjistruar mëngjesin e sotëm në rrugën Egnatia.
Një mjet që transportonte emigrantë të paligjshëm është përplasur filliomisht me një mjet patrulle dhe më pas ka lëvizur në drejtim të kundërt duke u përplasur me një tjetër makinë dhe pasojat kanë qenë fatale.
Mediat greke raportojnë për 6 të vdekur dhe 6 të tjerë të plagosur rëndë.
Në mjetin që shkaktoi aksidentin ndodheshin 11 persona, 10 prej të cilëve emigrantë.
Shoferi gjithashtu ishte i huaj.
Mes viktimaveështë dhe shoferi i mjetit që u përplas nga makina e trafikantit të emigrantëve.
Ai po kthehej nga puna dhe qëlloi në vendin dhe momentin e gabuar.
