4 ditë punë në javë edhe në Shqipëri? Eksperti: Mund të aplikohet nga disa kompani

613
0

Të punuarit vetëm 4 ditë në javë po shihet nga bota perëndimore si e ardhmja e produktivitetit. Por në Shqipëri gjendur përballë kushteve të informalitetit, eksperti Erald Pashaj thotë se kjo formë mund të ofrohet vetëm nga një grup kompanish.

 “Unë mendoj se puna 32 orë në javë në Shqipëri është e mundur, por me një grup të caktuar kompanish. Me kompani që operojnë shumë në tregun perëndimor.”

Më të avantazhuar janë punonjësit e kompanive që operojnë në fushën e teknologjisë, të cilët sipas ekspertit të punësimit mund të aplikojnë lehtësisht sistemin e 3 ditëve pushim.

 “Java 32 orëshe përgjithësisht aplikohet në industrinë e shërbimeve, industrinë bankare, në teknologjinë e informacionit, kurse në kompanitë prodhuese që janë në Shqipëri dhe ato që janë drejtpërdrejtë me klienti, për momentin është e pamundur të aplikohet.”

Në botë qindra kompani në gati 30 vende e ofrojnë sistemin e 4 ditëve në javë punë. Hulumtimet kanë treguar se një ditë shtesë pushimi në javë për punëtorët rrit produktivitetin, si dhe përmirëson shëndetin fizik dhe mendor.

 “Në radhë të parë punonjësi është më i përqendruar dhe motivuar, përfitimi i dytë është që njerëzit që punojnë 32 orë, cilësia e jetesës në këtë vend bëhet më e mirë.”

Në Evropë, në vitin 2022 Belgjika u bë vendi i parë që miratoi ligje për javën 4-ditore të punës.