Fermerët jane te shqetesuar për nismën e qeverisë për heqjen e kompensimeve: Do rritet çmimi i qumështit
Në projektligjin për tatimin mbi vlerën e shtuar propozohet që norma e kompensimit të prodhuesit bujqësor të bëhet 0% nga 6% që është aktualisht.
Nje fermer në baxhon e tij prodhon të gjitha nënproduktet e qumështit dhe thotë se paketa e re fiskale nuk e ndihmon as fermerin dhe as industrinë, nëse masa e kompensimit do të bëhet 0% atëherë shqiptarët prodhimet vendase do t’i blejnë më shtrenjtë se sa ato të importit.
“Në rast se ti i heq 6% TVSH dhe ti lë 20% shitjen me TVSH te prodhimi pa i barazuar TVSH-në atëherë je i detyruar të rrisësh çmimin, ndoshta të pakësosh dhe çmimin e qumështit. Kjo bën që të mos ketë interes për blegtorinë. Kjo paketë fiskale nuk e ndihmon blegtorin, sepse blegtori merr pagesën nga përpunuesi i qumështit dhe për pasojë përpunuesi i qumështit duke pas këtë pagesë do të ulë çmimin e qumështit që blen tek blegtori, ose do të rrisë çmimin final”.
Në paketën e re fiskale gjithashtu parashikohet një taksë e re prej 100 Lekësh për çdo kilogram të qumështit pluhur. Sipas fermerit, taksa e re do të nxisë industrinë të blejë qumështin e blegtorëve shqiptar, ndërsa konsumatori do të ushqehet me prodhime blegtorale cilësore.
“Rritja e akcizës për qumështin pluhur është për tu përshëndetur. Ne duhet të blejmë prodhimet tona, të hamë produkte shqiptare dhe cilësore”.
