Habit gruaja detektive: Shqiptarët tradhtojnë shumë. Ja çfarë hetojnë shqiptarët

Habit gruaja detektive: Shqiptarët tradhtojnë shumë. Ja çfarë hetojnë shqiptarët

Një temë sa interesante aq edhe e padëgjuar në Shqipëri u diskutua sot në emisionin Rreze Dielli mëngjesin e sotëm. E ftuar për të folur mbi profesionin e detektivit privat, Shkënda Lili, detektivja e parë femër në Shqipëri rrëfeu të fshehtat e punës së saj. Ajo tregon se është një punë që e bën me kënaqësi.

1 prej rasteve të investiguara është ai i prindit që kërkon të dijë më shumë për fëmijën e tij pasi ata vetë nuk kanë kohë sepse janë shumë të fokusuar në punën e tyre. Në 2015 është hapur Instituti i Detektivit Privat ku mund të marrë pjesë çdo njeri me dosje penale të pastër. Shkënda thotë se sipas saj nuk është e vështirë për t’u përfunduar si shkollë, por jo çdokush mund ta bëjë si profesion. Kjo punë nuk ka lidhje me fizikun, por me inteligjencën.

‘Kur dikush është interesuar për të investiguar dikë në lidhje me tradhtinë bashkëshortore, krijojmë një takim ku tregohet i gjithë historiku. Unë tregoj gjithë kushtet dhe pagesën,dhe nëse biem dakord bëjmë një kontratë . Unë i bëj me dije që kohëzgjatja është 2 javë, por jo gjithmonë ka tradhti.

Kryesorja në këtë profesion është ruajtja e sekretit. Interesante është se ka raste kur vetë klienti e nxjerr sekretin. Në këtë rast kontrata prishet dhe detektivi dëmshpërblehet sipas një pagese të paracaktuar në kontratë.

Çështjet që mund të hetohen janë të shumta. Njerëz të humbur, profil biznesi , gjetje adrese, por e rëndësishme është që gjithmonë ruhet privatësia. Detektivët investigojnë vetëm në ambiente publike. Kjo punë mbart një lloj rreziku, ndaj dhe personat që duan ta ndërmarrin këtë profesion duhet të mendohen mirë”, tregoi detektivja.

d.c./shqiptarja.com

Comments

comments

Related Post